તો, પપ્પા, હવે ફોન મૂકું ?
તમનેય મોજ જરી આવે તે થયું મને
STD ની ડાળથી ટહુકું…
હૉસ્ટેલને? હૉસ્ટેલ તો ફાવે છે… જેમકે
કાંટામાં સચવાતું ફૂલ
તોય એ તો ઊઘડે છે…રંગભર્યું મહેકે છે…
ડાળખીમાં કરે ઝૂલાઝૂલ
ફાગણના લીલા કુંજાર કોઈ ઝાડવાનું પાન
એમ કંઈ થાય નહીં સૂકું…
તો, પપ્પા, હવે ફોન મૂકું ?
મમ્મીબા જલસામાં?...બાજુમાં ઊભી છે?
ના ના… તો વાસણ છો માંજતી
કે’જો આ દીકરીયે તારાં સૌ સપનાઓ
રાત પડે નીંદરમાં આંજતી
સાચવજો..ભોળી છે..ચિંતાળુ..ભૂલકણી
પાડજો ના વાંકું કે ચૂકું...
તો, પપ્પા, હવે ફોન મૂકું ?
શું લીધું? સ્કુટરને? ભારે ઉતાવળા..
રામુ તો કે’તો તો ફ્રીજ!
કેવા છો જિદ્દી? ને હપ્તા ને વ્યાજ?
વળી ઘર આખ્ખું ઠાલવશે ખીજ
ઝાઝી તો વાતુંના ગાડાં ભરાયઃ
કહું હાઈકૂમાં... એટલે કે ટૂંકું…
તો, પપ્પા, હવે ફોન મૂકું ?
તમનેય મોજ જરી આવે તે થયું મને
STD ની ડાળથી ટહુકું…
હૉસ્ટેલને? હૉસ્ટેલ તો ફાવે છે… જેમકે
કાંટામાં સચવાતું ફૂલ
તોય એ તો ઊઘડે છે…રંગભર્યું મહેકે છે…
ડાળખીમાં કરે ઝૂલાઝૂલ
ફાગણના લીલા કુંજાર કોઈ ઝાડવાનું પાન
એમ કંઈ થાય નહીં સૂકું…
તો, પપ્પા, હવે ફોન મૂકું ?
મમ્મીબા જલસામાં?...બાજુમાં ઊભી છે?
ના ના… તો વાસણ છો માંજતી
કે’જો આ દીકરીયે તારાં સૌ સપનાઓ
રાત પડે નીંદરમાં આંજતી
સાચવજો..ભોળી છે..ચિંતાળુ..ભૂલકણી
પાડજો ના વાંકું કે ચૂકું...
તો, પપ્પા, હવે ફોન મૂકું ?
શું લીધું? સ્કુટરને? ભારે ઉતાવળા..
રામુ તો કે’તો તો ફ્રીજ!
કેવા છો જિદ્દી? ને હપ્તા ને વ્યાજ?
વળી ઘર આખ્ખું ઠાલવશે ખીજ
ઝાઝી તો વાતુંના ગાડાં ભરાયઃ
કહું હાઈકૂમાં... એટલે કે ટૂંકું…
તો, પપ્પા, હવે ફોન મૂકું ?
-મનહર ત્રિવેદી
No comments:
Post a Comment